قصيده قراءتها وعجبتني!!!!

يا طير نوحك زادني هم واشجــان ذكرتني يا طير خل (ن) جفانـــي
صفق بريشك كنت م الهم خليــان ولا أنا يا طير م الشوق حــــاني
من زود ما بي صرت بهموم واحـزان اضرب براح الكف مما وزانـــي
خل (ن) جفا وما كان بالحال شفقان خيب ضنوني وفي صوابه رمـــاني
كاتم مصابي لكن القلب ولهـــان هل كيف اخفي بخاطري ما أعــاني
الشوق فاضح صاحبه يبات سهـران دقات قلبه شاغره بالثـــــواني
أعزاك يا من شب في القلب نـيران راقب ضميرك واحسب الوقت فـاني
طبع الوفا يازين في الحب له شــان مصيون عن تهريج قول الشــواني
أوفيت لك بالعهد في كل الاحـيان من خاطر (ن) يخشى عليـك المحاني
أتفاخر ابك بين أهلي والاقـــران وشلتك براسي تاج كـل (ن) يراني
ما حال بي عنك سواليف فـــتان ولا مقلب الواشين عنك دهـــاني
وقف بجنبك حاضر الأمر والشــان لو تطلب الأعيان والقلب هـــاني
كنك ملك تحكم رعيه وكيـــوان الأمر أمرك والبقيه دوانـــــي
هل كيف تجفي صاحب (ن) فيك غرمان ضحى بوقته ولا حسب حد ثــاني
باعدت لجلك كل اهل (ن) وخـلان وبادرت في مرضاك بما تبــــاني
لك في حنايا الجوف شيدت بنيــان ساسه قوي بالعهد طول الزمــاني
ثابت بعهدي لك وما صرت خـوان وانته نقضت ايمان عهد (ن) مصـاني
بادلت بالمعروف صد (ن) ونكـران وقابلتها الحسنى بفعل الشيـــاني
كنا بالفه والهوى دوم مزتــــان ولا بيننا يدخل عدو (ن) وشــاني
واليوم صكوا بيننا ناس عـــدوان حد بنميمه وحد منهم أنانــــي
ياليت لو تذكر من الوقت ما كـان ايام أسقيك الموده بحنــــــاني
الحب سنه والوفا فرض سلطـــان والحب يله قايد وترجمـــــاني
حكم الوفا بين المحبين باحســـان تاتي بنوده من كتاب الأغــــاني
ما ينتهك حقه بشرع (ن) وتبيــان له في سجل الطرس حكم وبيــاني
لا تغرك الدنيا وحكي فلان وفـلان سانع نديمك في محل الأمــــاني
بالطيب بادر والسخا كون عنـوان وبالمثل عامل في جميع المعــــاني
اسمك مدون يالغلا بين الاعـــيان لك منزل (ن) ما يرتقيه شخص ثاني
لا تحسب اني لك على البعد نسـيان منساك وذكرك مرتبط به لســاني
خليتني مثل الذي باع خســـران وخليت قلبي في البليه يعــــاني
تايه وحيد (ن) في الهوى دوم حيران يفرق ويتخيل خلو المكـــــاني
القلب ضيع بالفكر كل برهـــان والعقل شارد ما يحس بأمــــاني
يا خاطر (ن) بيح به القلب فرقـان ينشد عن الأحباب من سار عــاني
دار (ن) بأرض الجوف من شرق جـرنان اللي عليها وصف روض الجنــاني
يعل السما تمطر عليها بالامـــزان سيل (ن) سكوبه يعم سبع وثمــاني
تخصب مفاليه وتزدان غـــدران خول (ن) سكيب (ن) مترعاته دواني
والختم صلى الله على نسل عـدنان الهاشمي المبعوث باعلى البيــــاني

شكرا الطرح ولا تحرمينا من جديدك

شكرا دبلوماسية على القصيدة الحلوة